ARIES
Ikasturte hasiera ero samarra izango da zuretzat, ate berri asko irekiko zaizkizulako. Hileko aholkua: Baina kontuz aire-korronteekin!
TAURUS
Kezkatuta zaude martxotik hona irabazi dituzun kilo horiengatik eta garai aproposa duzu kirol pixka bat egiten hasteko. Hileko aholkua: Bizikleta estatikoa erosteko une aproposa da.
GEMINI
Festetarako gogoa duzu, baina gogoratu hamar pertsona baino gehiago elkartzea ez dela komenigarria. Hileko gomendioa: Ba al dituzu 10 lagun?
CANCER
Bihotz kontuek loa kenduko dizute hilabete honetan, eta gora behera handiak izango dituzu. Hileko aholkua: Etxean desfibriladorea edukitzea komeni zaizu.
LEO
Maskarilla eramaten bikaina zara: belarritik zintzilik, kokotsean, ukalondoan,… Hileko aholkua: Noizean behin eraman bera den tokian!
VIRGO
Koronabirusak ez du zure urtebetetze eguna zapuztuko, baina osasun neurriak hartu beharko dituzu. Hileko aholkua: Tartako kandelak ez itzali maskarilla jantzita duzula!
LIBRA
Etapa berri bati ekiteko garai aproposa duzu hauxe. Baliatu ezazu beti egin izan nahi duzun hori egiteko. Hileko aholkua: Iratzargailurik gabe bizitzeko, adibidez.
SCORPIUS
Telelanera bueltatzeko beldur zara, ordainpeko lana egin ordez etxeko lanetan aritzen zarelako gehiago. Hileko aholkua: Prestatu ezazu bulegoa ganbaran edo sotoan, bake pixka bat izateko.
SAGITARIUS
Maitasunak zure atea noiz joko zain zaude, baina gauzak ez dute horrela funtzionatzen. Mugitzeko garaia duzu. Hileko aholkua: Zergatik ez duzu Noaua!n iragarki bat jartzen?
CAPRICORNIUS
Maskarak traba asko egiten dizu, baina gauza onak ere baditu: bibotea ez duzu zertan depilatu eta barre faltsua egiteko ere oso baliagarria da. Hileko aholkua: Terrazatik haratago bizitza badago!
AQUARIUS
Naturarekin bat egiteko izugarrizko gogoa izango duzu hilabete honetan, baina kontuan izan Euskal Herriko tontorrak jendez gainezka daudela. Hileko aholkua: Andatza hor izanda, zertarako behar duzu gehiago?
PISCIS
Triste xamar zaude lanera bueltatu zarelako eta hondartzara joateko denbora gutxiago duzulako. Hileko aholkua: Oria ibaian hankak sartuta egotea ez da batere plan txarra.