Osasunaren Mundu Erakundeak pandemia egoera deklaratu zuenetik sei hilabete bete diren ostiral honetan (irailak 11), egunero moduan covid19-ari lotutako azken 24 ordutako datuen berri eman du Osasun Sailak.
Usurbilen 6 kasu antzeman ditu, irailaren 4az geroztik azken 7 egunetan. Honenbestez, iturri beraren arabera, martxoaz geroztik, azken 6 hilabeteotan 37 dira guztira covid19-a detektatu zaien usurbildarrak. 100.000 biztanleko azken astebeteko tasa 94,97koa da udalerri honetan.
Lasarte eta Usurbil batzen dituen osasun eremuan, 245,17-koa. Eremu horretan azken 7 egunetan 65 kasu antzeman ditu Osasun Sailak, haietatik 6 baino ez Usurbilen. Gipuzkoako hainbat udalerrirekin alderatuta gertatzen den moduan, Buruntzaldera etorrita Usurbilek du 100.000 biztanleko azken 7 egunetako kutsatze tasa baxuena.
Irailak 4-10, Buruntzaldea
-Andoain: 21 kasu azken 7 egunetan, 140,52ko tasa.
-Astigarraga: 10 kasu, 161,81eko tasa.
-Hernani: 51 kasu, 254,83ko tasa.
-Lasarte-Oria: 57 kasu, 302,79ko tasa.
-Urnieta: 8 kasu, 129,42ko tasa.
-Usurbil: 6 kasu, 94,97ko tasa.
Azken 24 orduotan, 8.917 PCR proba egin dituzte Araban, Bizkaian eta Gipuzkoan. 574 positiboak izan dira. Haietatik 185 Gipuzkoan (20 Buruntzaldean), 308 Bizkaian eta 70 Araban. 11 EAE-tik kanpo bizi diren pertsonen artean. 42 pertsona ospitaleratu zituzten atzo, 58 pertsona daude ZIU-n.
Adituek oinarrizko birsorkuntza tasa puntu bakarraren azpitik egotea komeni dela adierazi izan dute sarritan. Gaurkoan puntu bakar horretan dago. Segidan, covid19-ak hilabeteotan izandako eboluzioaren inguruan plazaratu dituen hainbat grafiko.
Xehetasun gehiago, ondoko estekan: covid19, 2020ko irailak 11
