ARIES
Ikasturtea hasierak porru eginda utzi zaitu eta ahalik eta gehien deskantsatzea komeni zaizu. Hileko aholkua: Urriaren 25ean ordu aldaketa dator eta ordu bete gehiago izango duzu lo egiteko. Aprobetxatu!
TAURUS
Modu murriztuan bada ere, San Praixkuak ospatzeko aukera izan duzu. Hileko aholkua: Bejondeizula! Batek daki eta noiz ospatuko ditugun berriro festak...
GEMINI
Kontuz diruarekin, azken aldian esku artetik oso erraz ihes egiten dizu eta. Hileko gomendioa: Ez erosi maskarilla fashion gehiago!
CANCER
Beti zabiltza besteek zer egin beharko luketen esaten. Pentsatu al duzu noizbait energia horrekin guztiarekin zer egin? Hileko aholkua: Pelaionearen parte-hartze prozesua hortxe duzu...
LEO
Kezkatuta zaude osasun egoeragatik, baina ez duzu obsesionatu behar. Hileko aholkua: Ez, gel hidroalkoholikoa ez da edateko; eskuak igurztearekin nahikoa da.
VIRGO
Zure bihotza eta hormonak pil pilean egongo dira udazken hasiera honetan, beraz, saiatu gauzak lasai hartzen. Hileko aholkua: Gutxienez maskarilla kendu ezazu muxu emateko!
LIBRA
Desiratzen zaude zure urtebetetzea ospatzeko, baina neurrian hartu beharko duzu aurten. Hileko aholkua: Izan originala eta prestatu festa bat watsap bidez!
SCORPIUS
Maskarilla ez duzu gustuko, baina abantailak ere badituela konturatuko zara. Hileko aholkua: Begiek asko esaten dute!
SAGITARIUS
Emozio berrien bila arituko zara hilabete honetan, baina arrisku gehiegi hartzea ere ez da ona. Hileko aholkua: Adibidez, ez hasi kalean jendea musukatu eta besarkatzen!
CAPRICORNIUS
Kultur ekitaldiek arnasgunea emango dizute hilabete honetan: antzerkia, hitzaldiak, ikastaroak,... Hileko aholkua: Gogoratu Euskaraldian izena eman behar duzula!
AQUARIUS
Datozen asteetan burua ilargian izango duzu, eta ahaleginak egin beharko dituzu egunerokotasunean arreta jartzeko. Hileko aholkua: Zenbat aldiz ahaztu zaizu maskarilla etxean?
PISCIS
Jendezalea zara oso, baina batzuetan bakarka egotea ere komenigarria izaten da norbera hobeto ezagutzeko. Hileko aholkua: Atera zaitez terrazatik noizean behin!