Liburuzain laguntzaile lanpostua hornitzeko urrats berri bat eman du Usurbilgo Udalak; behin-betiko onartu du onartu eta baztertuen zerrenda. Ostegun honetako (azaroak 19) Gipuzkoako Aldizkari Ofizialean kaleratu du. Horrekin batera, hautagaiei zuzenduriko lehen hitzordua finkatu du Udalak; "lehenengo froga 2021eko urtarrilaren 21ean Oiardo Kiroldegian izango da".
Udal liburuzain laguntzaile lanpostua
Usurbilgo Udalaren liburuzain laguntzaile lanpostua oposizio-lehiaketa aske bidez betetzeko oinarriak eman zituen argitara Udalak, martxoaren 2ko Gipuzkoako Aldizkari Ofizialean. "Deialdi honen xedea ondorengo hau da: lehiaketa-oposaketa irekiaren bidez, Udal honetako funtzionarien plantilan hutsik dagoen Liburuzain Laguntzaile lanpostua betetzea. Plaza hau Administrazio Bereziko Eskalan, Teknikari laguntzaile Azpieskala, C sailkapen taldean eta C1 azpitaldean dago kokatuta".
Udalak gaineratzen duenez, "lan-jarduna urtero Udalak zehazten duena izango da eta, edozein dela ere, horretarako lanpostuaren izaera eta behar bereziak izango ditu kontuan". Izendatu gabeko izangaiekin lan-poltsa osatuko dute, "lortu duten puntuazioaren araberako hurrenkerarekin".
Hemen eskaintzen den lanpostuaren ezaugarrien berri:
-Lanpostuaren maila: 14.
Besteak beste, lanpostu honetan, erabiltzaileari arreta eskaini beharko da, zerbitzua ongi erabiltzen dela ziurtatu, liburuak eta maileguak kudeatu, funtsen erosketa, katalogazio eta sailkapenean lagundu, irakurzaletasuna bultzatu...
Liburuzain laguntzaile lanpostua hornitzeko onartu eta baztertuen behin-betiko zerrenda onartu du Usurbilgo Udalak. Ostegun honetako (azaroak 19) Gipuzkoako Aldizkari Ofizialean kaleratu du.