Azken egunon ildotik, euritan jarraituko dugu estreinatu berri dugun aste honetan ere. Haizea batuko zaio euriari astelehen honetan. Abisu horian izango gara hamabi orduz, arratsaldeko 18:00etan hasi eta goizaldeko 6:00ak arte, Euskalmet meteorologia agentziak iragarri duenez. Batetik, haizeguneetan, "mendebal-osagaiko haize-boladek 100 km/h-ko abiadura gaindi dezakete haizeguneetan, bereziki kostaldean".
Bestalde, "mendebal/ipar-mendebaldeko haize-boladek 80 km/h-ko abiadura gaindi dezakete haizeguneak ez diren lekuetan, bereziki kostaldetik hurbilen dauden lekuetan", 21:00-03:00 artean.
Gogotik botako du
Euria ere gogotik botako du baita. Ondorioz, "prezipitazio iraunkorragatik" abisu horian izango gara asteartean egun osoz. "Baliteke, Kantauri isurialdeko zenbait lekutan 60 l/m² baino gehiago pilatzea 24 orduan. Prezipitazio txiki-ertaina egingo du; prezipitazioa iraunkorra eta oso ugaria izan daiteke kantauri isurialdeko zenbait lekutan. Zaparrada trumoitsuak eta txingorra bota dezake kantauri isurialdean", Euskalmet-ek iragarri duenez.
Astelehen honetan beraz Usurbilen, "zerua oso hodeitsu egongo da. Prezipitazio txiki-ertaina egingo du. Ekaitzak jo dezake eta txingorra egin dezake. Mendebal-osagaiko haizea ahul-bizi ibiliko da, bolada gogorrekin. Goizean indartu egingo da, bolada oso gogorrekin. Tenperatura gutxi edo nahikoa igoko da".
Bihar (abenduak 8), "zerua oso hodeitsu egongo da. Prezipitazio txiki-ertaina egingo du; iraunkorra eta ugaria izan daiteke. Ekaitzak jo eta txingorra egin dezake. Mendebal/ipar-mendebaldeko haize ahul-bizia ibiliko da, bolada gogorrekin eta oso gogorrekin, bereziki egunaren lehen partean. Tenperatura gutxi jaitsiko da.".
Informazio eguneratua hemen: euskalmet.eus
Negu giroan segiko dugu datozen egunotan ere. Euriaz gain, haizea ere izango dugu datozen orduotan. Abisu horia ezarri dute astelehen arratsaldeko 18:00etan hasi eta goizaldeko 6:00ak arte. Asteartean egun osoz bestalde, abisu horian izango gara "prezipitazio iraunkorragatik"