Urtarrileko lehen igandearekin batera beraz, euskarazko zine zikloa haurrentzat; "Ipuin-herriko berriak", Sutegiko areto goxoan, aulkietan eroso asko ikusteko filma.
URTARRILAK 3, IGANDEA
17:00 Haurrentzako zinea euskaraz Sutegin: "Ipuin-herriko berriak".
Sinopsia: "Hontz jaunak, bere zuhaitzera igota, "Ipuin-herriko berriak" egunkaria irakurtzen du goizero-goizero. Bertan, Ipuin-herrin gertatzen diren istorio zoragarriak kontatzen dira. Baina, batez ere, herriko biztanle guztien ezuste, haserre, esperientzia eta emozioen berri ematen du egunkariak. Zikoina andereñoak, Bele jaunak eta gainerako lagunek kuadrilla dibertigarria osatzen dute. Nahiz eta batzuetan iritzi ezberdinak izan, asko zaintzen dute elkar. Gozatu euren abentura dibertigarriez ipuin zirraragarri honetan. Alegia klasikoa, umore bihurri eta modernoarekin".
Sarrera: 3 eurotan aurrez usurbilkultura.eus atarian eskuragarri.
Antolatzaileak: Ziortza Gazte Elkartea eta Usurbilgo Udala.