1936ko gerrak Usurbilen izan zuen eragina aztertu asmoz, taldetxo bat osatu zen iazko udaberrian. Ion Martin, Aitzol Arroyo eta Aitor Azurki dokumentazio-lana egiten aritu dira orain arte, baina zeregin handiak daude aurretik. Eta horretarako usurbildarren laguntza beharko dute. Gaur eskaini duten prentsaurrekoan, boluntarioen talde bat osatzeko deialdia zabaldu dute.
Boluntarioen taldean parte hartu nahi duten usurbildarrentzat bilera ireki bat antolatu dute. Martxoaren 3an asteazkena, arratsaldeko 18:30ean Artzabalgo areto handian.
Edukiera kontuan hartu behar denez, bilerara joan nahi duten herritarrek izena eman behar dute lehenbizi, eta horretarako e-posta bat bidali behar da 36kogerra@usurbil.eus helbidera.