Kalejirarik ezin izan dute egin, ezta erromeriarik edota jendetza pila zitekeen ekitaldirik ere. Baina alternatiba gozagarria eskaini du Orbeldi Dantza Taldeak, osasun krisialdi honetara egokitua. Oier Araolaza kazetari, antropologo eta dantzariak eskainitako "Euskal dantzak eta generoa" hitzaldiarekin abiarazi zuten ekitaldien zikloa iragan asteburuan. “Genero-identitatea euskal dantza tradizionalaren eraikuntzan” bere doktorego tesia oinarritzat hartuta, azken urteetan egindako aurkikuntzak aurkeztu zituen Sutegin.
Biharamunean, hilaren 24an, oholtza jarri zien Orbeldik, koreografiaren bat herriarekin partekatu nahi zuten guztiei. Partehartze zabala izan zen estreinako Tranpaldo Irekian. Denetariko dantzak ikusi ahal izan ziren, euskal dantzetatik hasi eta dantza garaikideraino.
Eta dantza gunea Oiardo Kiroldegira lekuz aldatu zuten gero; azken hilabeteotan, zailtasunak zailtasun, Orbeldikoak prestatzen aritu diren "Zorotan Bele" herri ikuskizuna plazaratu zuten. Sorotan Beleren kanta ezagunek musikatu zuten saioa. Hitzak, musika, dantzak... Herritarrek herriari eskainiak.
9. Dantza Eguna, "Mutu" dantza ikuskizun profesionalak borobildu zuen apirilaren 25eran. Orbeldi Dantza Taldekoen zikloa irudiotan bildu dugu.
9. DANTZA EGUNA IRUDITAN
"Zorotan Bele" herri ikuskizuna
Tranpaldo Irekia
Tranpaldo Irekia
"Euskal dantzak eta generoa" hitzaldia
Antolatzaileen eskertza
Hemen Orbeldi Dantza Taldekoek, iragan 9. Dantza Egunaren ondotik sare sozialen bidez partekatu duten eskertza mezua: