ARIES
Dantzalekuetan dantza egin dezakezu, baina kontzertuetan ez. Nork ulertzen du hau?
Hileko aholkua: Ezin bada dantza egin ez da zure festa!
TAURUS
Denboran atzera egingo zenuke hainbat gauza konpontzeko.
Hileko aholkua: Hilabete bukaeran ordu aldaketa egingo dute eta ordu bat gehiago izango duzu, aprobetxatu!
GEMINI
Ondo egin duzu pilatesera apuntatzen. Zure gorputzak eskertuko dizu.
Hileko gomendioa: Behingoagatik joan zaitez bi klase baino gehiagotara, mesedez!
CANCER
Esperientzia berria eta zirraragarriak bizitzeko gogoz zaude?
Hileko aholkua: Zatoz urriaren 23an NoauaFESTARA; ez zaizu damutuko!
LEO
Marte laugarren atean eta ilargia bosgarrenean izango dituzu hilabete honetan, kontuz.
Hileko aholkua: Ez egin kasu astrologiari eta bizi zuk nahi duzun bezala, bada eta garaia!
VIRGO
Udazkena garai zoragarria izaten da naturarekin bat egiteko.
Hileko aholkua: Iratiko basoa ederra da, baina Andatza eta Bodatxo inguruak ez diote batere inbidiarik!
LIBRA
Aurten bai. Aurten zure urtebetetzeak “normaltasun” handiagoarekin ospatzeko aukera izango duzu.
Hileko aholkua: Gel hidroalkoholikoa bai, baina ez txupitoetan!
SCORPIUS
Oporrak duela gutxi izan dituzu, baina dagoeneko oso nekatuta zaude pandemiaren ondorioz.
Hileko aholkua: Oporrak behar dituzu berriz. Emaiozu nagusiari eroskopo hau ziurtagiri bezala.
SAGITARIUS
Norbait berezia ezagutuko duzu hilabete honetan. Adi egon.
Hileko aholkua: Ez legoke gaizki zure “ligatzeko teknikak” berrituko bazenitu. Edo zuzenean aldatuko bazenitu, hobeto.
CAPRICORNIUS
Enegarren aldiz dietan jarriko zara eta enegarren aldiz lehenengo astean bertan behera utziko duzu.
Hileko aholkua: Jan ondo eta mugitu ipurdia, askoz ere eraginkorragoa izango da eta!
AQUARIUS
Hilabete honetan triste xamar egongo zara, tenperatura freskoak ez dituzulako maite.
Hileko aholkua: Atera armairutik pijama luzea eta hanketako poltsa beroa eta konponduta!
PISCIS
Halloween eta antzeko kontuekin kokoteraino zaude, kulturalki kolonizatzen ari zaizkigula eta.
Hileko aholkua: Ba badakizu garai batean Usurbilen ere kalabazak jartzen zirela kaleetan jendea ikaratzeko?