1.
Mila bederatziehun ta
laurogeita hamaseian
lehenengoz azaldu zinen
gure etxeko buzoian.
Informazio guztia
nahiz ez den batek nahi duna
Bat horrek aurki lezake
sarritan zerbait txukuna.
Hogeitabost urteotan
etxez etxe zabiltza zu
Sukalderaino sartuaz
pizturikan hamaika su (bis)
Zu gabe ezin dut bizi
maitemindurik naukazu.
2.
Herrian sortutakoa
herriarentzat sortua
Iturriak ematen du
Ez daukagu agortua
Informazioarena
Naiz ez inporta gehiena
Edonork beti zerbait du
Interesgarria dena
Hogeitabost urteotan
etxez etxe zabiltza zu
Sukalderaino sartuaz
pizturikan hamaika su (bis)
Zu gabe ezin dut bizi
maitemindurik naukazu.
3.
Pittinka bihurtu zinen
kazetarien eskola
ofizioan trebatuz
hargina harrian nola...
Iragarkiak lortzen ta
bulegoko lan andana
Postetxe zahar haretan
Ikusi zen auzolana.
Hogeitabost urteotan
etxez etxe zabiltza zu
Sukalderaino sartuaz
piztu duzu hamaika su (bis)
Zu gabe ezin dut bizi
maitemindurik naukazu.
4.
Argazkitik argazkira
herriaren lekukoa
Guztion oroimenean
benetan dago gakoa.
Argi dezagun kalea
ilundu gabe jendea,
norberaren argazkia
izan dadin hor gordea.
Hogeitabost urteotan
etxez etxe zabiltza zu
Sukalderaino sartuaz
pizturikan hamaika su (bis)
Zu gabe ezin dut bizi
maitemindurik naukazu.
5.
Euskara indartu nahian
Sortu zen aldizkaria
Herritar askori esker
Gertatu zen miraria
Sinesten genuelako
Atera zinen kalera
Geroztikan abenturak
Etenik gabe aurrera
Segi ezazu horrela
Noaua joan-da-etorriz
Beste hogeitabost urte
osatu itzazu neurriz (bis)
eta orduan kantura
etorriko gera berriz.