"Udazkena liburutegian" zikloaren baitan antolatu zuen iragan astean Sutegi udal liburutegiak "Miñan" liburuaren aurkezpena. Baita, udaberrian bertan behera utzi behar izan zuten "Irudipuinak" emanaldia ere; urriaren 27an antolatzea erabaki dute, 18:00etan kultur-etxeko auditorioan. Ixabel Agirresarobek ipuin kontalari gisa jardungo du eta artean, Mattin zuzenean marrazten ariko da. Ekitaldirako sarrerak unean bertan Sutegin eskuratu ahalko dituzue.
Hitzordu gehiago azaroan
"Udazkena Liburutegian" zikloak segida izango du azaroan. Hilaren 3an 19:00etan Ibon Martin idazlea gonbidatu dute kultur-etxera, bere eleberriei buruzko solasaldia eskaintzera. Hilaren 17an bestalde, "Iker Karrera, bidea ipar" liburu aurkezpena, Karrerarekin eta liburuaren idazle Unai Ugartemendiarekin. Tartean, azaroaren 10ean, "Kolorez jantzita" ipuin musikatua iragarri dute, 3-7 urte artekoentzat. Gaztetxoentzako beste hitzordu bat baita, azaroaren 24an; "MagiaZ: magia eta zientzia uztartuz" saioa Marsel magoarekin. Kultur ziklo betean dira Sutegi udal liburutegikoak.
"Udazkena Liburutegian"
Azaroak 3, asteazkena
19:00 Solasaldia Ibon Martin idazlearekin bere eleberriez Sutegin.
Oharra: ekitaldia elebitan ospatuko da.
Izen ematea: usurbilkultura.eus
Azaroak 10, asteazkena
18:00 "Kolorez jantzita" ipuin musikatua Sutegin.
Nori zuzendua: 3-7 urte artekoei.
Izen ematea: usurbilkultura.eus
Azaroak 17, asteazkena
19:00 "Bidea ipar" liburuaz solasaldia, Iker Karrera eta Unai Ugartemendiarekin.
Izen ematea: usurbilkultura.eus
Azaroak 24, asteazkena
18:00 "MagiaZ: Magia eta Zientzia uztartuz, Marsel margoarekin" emanaldia Sutegin.
Izen ematea: usurbilkultura.eus
Antolatzailea: Usurbilgo Udala.