Arratsaldeko 7:15 aldera Santueneara jaitsi eta Usurbilerako bidea hartu zuten zaldian hiru erregeek eta oinez suzko antortxekin laguntzaileek. Aurreikusi moduan, herrian barna ordubete inguruko itzulingurua egin, eta Udarregi Ikastolaren parean antortxak itzali eta desagertu egin ziren erregeak eta laguntzaileak. Osasun egoera dela eta, aurreikusi moduan, amaierako ekitaldirik ez zuten egin pilaketak ekiditeko.
Gaur goizean, herriko hainbat umek erregeek utzitako opariak aurkitu dituzte zuhaitz azpian.