ARIES
Santa Ageda bezpera degu, Euskal Herriko eguna,
etxe guztiak kantuz pozteko aukeratua deguna.
Hileko gomendioa: Garaia da lurraz gain, zu ere esnatzen hasteko. Bat, bi eta hiru… IEUP!
TAURUS
Hilabete honetan Kupido eta Valentin Deuna zure alde izango dituzu.
Hileko aholkua: Laguntza guzti honekin ez baduzu ligatzen, dagoeneko ez daukazu esperantzarik!
GEMINI
Bi urtez atzeratutako sagardotegia egiteko une aproposa duzu hauxe.
Hileko aholkua: Horrek ez du esan nahi otordu guztia kupelaren ondoan egon behar duzunik. Ez da inora joango!
CANCER
Pandemiarekin bizitzen ikasi behar duzu.
Hileko aholkua: Gauza bat da osasun neurriak jarraitzea eta beste bat egunero gel hidroalkoholikoarekin dutxatzea!
LEO
Pandemia honekin nazka-nazka eginda zaude, baina bizitzaren alderdi positiboari erreparatu behar diozu.
Hileko aholkua: Zein ongi etortzen den maskarilla hotz handia egiten duenean sudurra goxo mantentzeko, ezta?
VIRGO
Hilabete honetan kontu handia izan beharko duzu diruarekin, erraz ihes egingo dizulako.
Hileko aholkua: Eutsi itsulapikoa hausteko tentazioari!
LIBRA
Kirola egiteak on egiten dizu eta zure bizitzako zati garrantzitsua bihurtu da.
Hileko aholkua: Horrek ez du esan nahi kiroldegian bizi behar duzunik.
SCORPIUS
Inauteriak urteko festa gogokoenak dira zuretzat, eta bizipoza berreskuratzen lagunduko dizute.
Hileko aholkua: Ausartu eta beti nahi izan duzun mozorro horrekin atera!
SAGITARIUS
Animoz pattal samar zabiltza eta horregatik hilabete honetan oso garrantzitsua izango da zuretzat kalera ateratzea.
Hileko aholkua: Ba al dago neguko eguzki epeletan egotea baino gauza ederragorik?
CAPRICORNIUS
Bizitza asko garestitu da eta diru-iturri berriak lortzen hasi beharko zara.
Hileko aholkua: Santa Ageda eskean ateratzen bazara txanpon batzuk jasoko dituzu; ondo abesten baduzu behintzat.
AQUARIUS
Aurten zure urteak kuadrillarekin ospatzeko moduan izango zara eta pozik zaude.
Hileko aholkua: Zailtasunak izango dituzu hainbeste kandela itzaltzeko, beraz, biriketako ahalmena handitzeko entrenatzen hasi!
PISCIS
Otsailaren 14a maiteminduen eguna dela eta zerbait berezia oparitu nahi diozu zure bikoteari.
Hileko aholkua: Izan originala eta gonbidatu ezazu kroketa batzuetara; hori baino maitasun adierazpen handiagorik ez dago!