ARIES
Bi urte beteko dira pandemia hasi zenetik eta nola aldatu zaizun bizitza orduz geroztik. Hileko gomendioa: Musukoa dagokion tokian erabiltzea ondo dago, baina zure aurpegia nolakoa den ia ahaztu zaigu!
TAURUS
Badakigu usurbildarrek sagardoa alkate dugula baina... Hileko aholkua: Martxa honetan sagardotegian ohea jarriko dizute kupelaren ondoan!
GEMINI
Esaera zaharrak dio martxoan zelai guztiak loratzen direla, eta zuri ere horixe gertatuko zaizu. Hileko aholkua: Baina kontuz hartzen duzun bidearekin. Zer nahiago duzu izan, hortentsia edo babalorea?
CANCER
Penaz zaude Metallicaren ikustera ezingo duzulako joan Bilbora. Hileko aholkua: Ez kezkatu; Agiñako eliza zaharrean kontzertu gau mundialak antolatu dituzte!
LEO
Dagoeneko urtarrilean hasitako zure kiroldegiko plangintza pikutara joan da. Hileko aholkua: Ez kezkatu. Genetikak eman dizuna ez dezala kirolak aldatu!
VIRGO
Martxoaren 8ko aldarrikapenean parte hartzeko gogoz zaude, baina ez ahaztu eguneroko errebindikazioa dela. Hileko aholkua: Egun horretan morez janztea ez da nahikoa.
LIBRA
Ez denborarik galdu printze/printzesa urdinaren zain. Hileko aholkua: Geratu zaitez ohean zaudetela argia itzaltzera altxatzen den horrekin. Hori da benetako maitasuna!
SCORPIUS
Aitaren eguna hurbiltzen ari da eta urtero bezala, ez dakizu zer oparitu. Hileko aholkua: Lasai egon, edozein detailerekin poztuko da eta. Baina badaezpada ez oparitu buztinezko hautsontzirik.
SAGITARIUS
Umore gehiagoz bizitzen ikasi behar duzu, tristurak jango zaitu bestela. Hileko aholkua: Algara irribarrearen orgasmoa da, badakizu? Praktikatu gehiago!
CAPRICORNIUS
Udaberriak on egingo dizu: egunak luzatzen hasten dira, eguzkiaz gozatzeko aukera gehiago dago eta batez ere odola aztoratuko dizulako. Hileko aholkua: Baina disimulatu pixka bat, mesedez!
AQUARIUS
Azken hilabeteetan hara eta hona zabiltza, lanpetuta eta urduri. Lasaitasunerako tartea hartu behar duzu. Hileko aholkua: Zure kasuan, konfort gunetik ez ateratzea komeni zaizu. Geratu hor goxo-goxo.
PISCIS
Aurten urteak normaltasun baten barruan ospatzeko aukera izango duzu eta aprobetxatu egin beharko zenuke. Hileko aholkua: Noiztik ez duzu txokolatada bat egiten?