Ezohiko izaera zuen udalbatzarra ospatu zen duela bi aste. Udal langileak, iruzurraren aurkako politikak edota Ukraina ahotan hartu zuten udal ordezkariek. Gaiotako batek segida izango du ostegun honetarako, martxoak 31, deitu duten udalbatzarrean.
Iruzurraren aurkako plana onartzeko konpromisoa erdietsi zuen udalbatzak hilaren 17ko osoko bilkuran. Planaren beraren onarpenaren berri emango da etziko saioan. Kontu gehiago ere jorratuko dituzte. Besteak beste, Mugiren tarifa eredua, Sahara, Zapategi eta Olarriondoko lur eremuen kudeaketari lotutako erabakiak, kirol zerbitzuen prezioak edota aurtengo Ordenantza Fiskalak ahotan hartuko dituzte.
UDALBATZARRA
Eguna: martxoak 31, osteguna.
Ordua: 18:00.
Tokia: Usurbilgo Udaleko udalbatza aretoa.
Gai zerrenda:
1-Aurreko bilkurako akten onespena:
1.1.-2021/11/25eko ohiko bilkura.
1.2.-2021/12/23ko ezohiko bilkura.
1.3.- 2022/01/27ko ohiko bilkura.
1.4.-2022/02/24ko ohiko bilkura.
2-Alkatetzako dekretu hauen berri ematea: 2022ko otsailaren 21etik martxoaren 25era (2022/0158-2022/353).
3-2022/332 dekretuaren berri ematea (Iruzurraren aurkako planaren onarpena).
4-Kirol zerbitzuen prezio batzuk itzultzea.
5-2022ko Ordenantza Fiskalen aldaketaren hasierako onarpena.
6-Hiri Antolamenduko Arau Subsidiarioetako S-5 (Olarriondo). Sektorea antolatu eta kudeatzeko sektoreko jabeen eta Usurbilgo Udalaren artean izenpetu beharreko Hirigintza Hitzarmenaren hasierako onarpena.
7-Kalezarko Eskribaenea eta Kastorenea eraberritu ahal izateko Xehetasun-Azterketaren behin betiko onarpena.
8-Hiri Antolamenduko Arau Subsidiarioetako A-78 (Zapategi) eremuko hirigintza ezaugarrien Aldaketa Puntualaren (03 aldaketa) hasierako onarpena.
9-Mozioa: Mugiren tarifa eredua babestu eta sustatzeari eta Mugi sistemaren tarifak sozial eta ekonomikoagoak izateko neurriak hartzeari buruzkoa.
10-Mozioa: Sahara.
11-Galdera eta eskaerak.
Martxoko azken ostegunarekin batera, osoko ohiko bilkura hilaren 31n.