Igande honetan, goizeko 10,30ean hasiko dira lasterketak. Hiru kategoriatan lehiatuko dira: benjaminak, alebinak eta infantilak. Donostialdea Bizikletan taldeak antolatu du igandeko proba eta alebin zein infantilen mailan gaztetxo usurbildarrek hartuko dute parte.
Usurbildarren partehartzea
Infantil mailan: Oihan Herrera, Adur Soroa, Imanol Limia, Anje Larburu.
Alebinen mailan: Eñaut Soroa, Haritz Herrera.
Donostialdea Bizikletan taldearekin lehiatuko dira
Buruntzazpi taldea desagertu egin zen, eta orain gazte txirrindulari usurbildarrak Donostialdea Bizikletan taldean ari dira lehian. Igandekoa Gipuzkoa mailako lasterketa bat izango da. Zonaldeka ari dira lehian eta Donostialdea Bizikletan taldearen multzoan Irun, Zarautz, Zumaia edota Andoaingo txirrindulari taldeak daude.