Ate joka ditugunak askorentzat jai egunak izango dira honako hauek. Baita udal zerbitzu hainbatentzat ere:
Sutegi udal liburutegia
Apirilaren 14tik 18ra itxita egongo da. Baita apirilaren 23an, larunbatez ere. Gainerakoan, datorren astean, apirilaren 19tik 22ra ohiko ordutegian zabalduko dute, 10:00-13:00 artean eta 16:00-19:30 artean.
Oiardo Kiroldegia
Kirol instalakuntzak datozen jai egunotako ordutegira egokituko dira. Apirilaren 14ean, 15ean, 17an eta 18an, goizez irekiko dute soilik Oiardo Kiroldegia, 9:00-13:30 artean. Apirilaren 16an, larunbatean beraz, ohiko ordutegian; 9:00etan hasi eta iluntzeko 21:30ak arte.
KzGunea
Sutegi udal liburutegiaren antzera, itxita egongo da Usurbilgo KzGunea apirilaren 14tik 18ra. Gainerako egunetan, ohi bezala, astelehenetik ostiralera zabalduko dute. Apirila amaitu arte, goizez, 9:00-13:00 artean.
Ate joka ditugun jai egunetara egokituko dituzte udal zerbitzuen ordutegiak.