Boluntario bila dabil Aranzadi zientzia elkartea Andatza inguruetan indusketa lanak bideratzeko. Zehazki bost lagun behar dituela berri eman du Usurbilgo Udalak, hiru hilabetez lanean aritzeko; ekainetik irailera hain zuzen. Bi aztarnategi industeko lirateke: "Andatza III, Brontze Aroko monumentu megalitikoa eta Irigain, erromatar garaiko bizitokia".
Interesdunek izen emateko ekainaren 1era arteko epea dute. Online bideratu beharko da inskripzioa. Informazio gehiago jasotzeko izaro.quevedo@uva.es helbidera idatzi. Izaro Quevedo bera eta Manu Zeberio izango dira indusketa hauek gidatuko dituztenak.
INDUSKETA LANAK ANDATZAN
Epea: 2022ko ekainetik irailera.
Beharrezko boluntarioak: 5.
Egin beharreko indusketa lanen eremua: Andatza III, Brontze Aroko monumentu megalitikoa eta Irigain, erromatar garaiko bizitokia.
Izen emateko epea: ekainak 1.
Informazio gehiagorako:
izaro.quevedo@uva.es
aranzadi.eus
Bost dira behar dituzten boluntarioak ekainetik irailera bi aztarnategitan aritzeko.