ARIES
Udaberriko giroak odola aztoratzen dizu, eta hilabete honetan norbait interesgarria ezagutzeko aukera izango duzula diote izarrek.
Hileko aholkua: Hala ere, badaezpada ere desodorantea eman, laguntza guztia eskertzekoa izango duzu eta.
TAURUS
Urteek ez dute barkatzen eta dagoeneko gaztaroa atzean uzten ari zara.
Hileko aholkua: Nola dakidan? Zartagin berri bat eskatu duzulako opari gisa!
GEMINI
Azkenean Sagardo Eguna ospatu ahal izango duzu!
Hileko aholkua: Horrek ez du esan nahi frontoiko sagardo guztia edan behar duzunik, ados?
CANCER
Joseba Sarrionandia Usurbilera dator eta urduri zaude hainbeste miresten duzun idazlea bertatik bertara ikusiko duzulako.
Hileko aholkua: Baina gero ez lotsatu!
LEO
Gauza berriak ikasteko gogoa izango duzu datozen asteetan. Garai aproposa da beti atzeratu duzun hori egiteko.
Hileko aholkua: Azkenean txalaparta jotzen ikasiko duzu!
VIRGO
Zure burua gehiegi estutzen duzu, izan ere, inor ez da gai, beti indartsu egoteko.
Hileko gomendioa: Denok gara ausartak arrautza oliotan frijitu behar dugun arte!
LIBRA
Oraindik arraroa da pertsona batzuen aurpegi osoa ikustea.
Hileko aholkua: Maskarilla faltan botatzen duzu barre faltsuak ezkutatzeko, ezta?
SCORPIUS
Aspaldi honetan triste zabiltza. Planeten lerrokadurak dio garai alaiago batean sartuko zarela orain.
Hileko aholkua: Pozari aukera bat eman behar zaio!
SAGITARIUS
Dagoeneko bikini operazioarekin hasi dira matraka ematen.
Hileko aholkua: Hondartzara joateko soilik gauza pare bat behar dituzu: zure gorputza den bezalakoa eta bainu-jantzia. Eta nahiago baduzu, biluzik!
CAPRICORNIUS
Askotan ez ditugu gertu ditugun altxorrak estimatzen.
Hileko aholkua: Hilabete honetan Salbatore elizan eskainiko duten organo-kontzertua ezin duzu galdu.
AQUARIUS
Festa-giroa sumatzen hasi zara dagoeneko eta lanean hasi behar duzu prest egoteko.
Hileko aholkua: Hasi festetako buruhandietan ateratzeko entrenatzen!
PISCIS
Maiatza loreen hilabetea da eta bizipoza ematen dizute.
Hileko aholkua: Kontuz zer usaintzen duzun, erleren bat lanean egon daiteke barruan eta!