Ostiral arratsaldeko ekaitz giroa bueltan izan dezakegu datozen orduotan. "Prezipitazio handiagatik" abisu horian egongo gara larunbat arratsalde honetan zehar, ekainaren 4an. Hala iragarri du Euskalmet meteorologia agentziak. Arratsaldeko 15:00etan hasita 21:00ak arte, "ordubetean 15 l/m² baino gehiago pila daitezke. Zaparrada trumoitsuak botako ditu; zenbait lekutan handiak izan daitezke eta txingorra egin dezake. Ekaitz-guneetan haize-boladak gogorrak edo oso gogorrak izan daitezke", Euskalmet-ek ohartarazi duenez.
Giro honetan, Usurbilen, "arratsalde-gau partean zaparrada trumoitsu batzuk bota ditzake eta txingorra egin dezake. Ipar-mendebaldeko haizea ibiliko da. Tenperaturan aldaketarik ez edo gutxi jaitsiko da". Bihar ere eguzki askorik ez. "Zerua hodeitsu egongo da. Arratsalde-gau partean zaparrada trumoitsu batzuk bota ditzake eta txingorra egin dezake. Ipar-mendebaldeko haizea ibiliko da. Tenperaturan aldaketarik ez edo gutxi jaitsiko da". Aldaketa astelehenerako. "Zerua oso hodeitsu egongo da, behe-hodeiekin. Goizean zirimiria egin dezake. Egunaren bigarren partean zaparrada trumoitsuak bota ditzake. Egunaren bigarren partean ipar-ekialdeko haizea ibiliko da. Tenperaturan aldaketarik ez".
Informazio eguneratua hemen: euskalmet.eus
"Prezipitazio handiagatik", abisu horian egongo gara arratsaldeko 21:00ak arte.