Ane Labaka bertsolariak sortutako lanak Euskal Herriko emakumezko umoregileen iritziak ere bildu ditu. Idoia Torregarai izan zen lanaren berri izan zuenetako bat eta ideiak eman zizkion aurrerago garatu nahi bazuen ere. Bien artean sortutako harremanean oinarritu dute hitzaldia eta Ane Labakak eginiko lan teorikoagoari ikuspegi zabalago edo pertsonalagoa emateaz arduratu da Idoia Torregarai.
“Umorea disekzio-mahaian: feminismotik eta euskaratik” solasaldia Ane Labaka bertsolariarekin eta Idoia Torregarai umoregilearekin maiatzaren 12rako zegoen iragarrita, baina ostegunera, ekainaren 9ra atzeratu zuten hitzordua. Ane Labakak ondutako “Algara mutilatuak” lana oinarri, umorea egiteko moduez eta haien ondorioez aritu dira bi emakumeak “ikuspegi feministaren optika argigarritik”. Sutegin harrera beroa izan dute eta dozena bat pertsonarekin osatu dute hitzaldia.