Mozorrotutako ikuskizuna eskaini izan dute urte luzez Udarregi Ikastola Egun honetan, txikienek, Haur Hezkuntzako ikasleek. Osasun krisialdiak behartutako bi urteko etenaldiaren ostean, itxuraz berrituta itzuli da hitzordua; oraingoan Kiroldegira ez, herri erdigunera baizik, Mikel Laboa plazara. Eta ikuskizuna, dantza ere txertatu duen kantaldian bilakatu dute. Kantaldi parte hartzailean, HH-ko ikasleekin batera aritu dira eta kantuan eta dantzan, gurasoak eta irakasleak, Jaione Eskuderok gidatu duen emanaldian. Ikastola Egun honetan txikienek euskal kantutegiari eman dioten errepaso bikaina duzue irudiotan.
