JOAN MARI TORREALDAI BEKA
Xedea: kultur ikerketak eta egitasmoak sustatzea.
2022ko beka deialdiaren gaia: "Euskara eta kultura gaurko eta biharko gizartean".
Beka deialdirako eskabideak
Ikerlanak: banaka edo taldean aurkeztu daitezke.
Aurkeztu beharrekoa: bi dokumentu. Batean eskatzailearen datuak: izen-abizenak, helbidea, e-maila, telefonoa, proiektuaren izenburua. Bestean, ikerketa-proiektua: izengabea, gehienez 12.000 karakterekoa.
Epaimahaia: deitzaileek aukeratutako bost adituz osatua. Balorazio prozesu itsua izango da, proiektuen egileak nortzuk diren ezagutu gabe.
Balorazio irizpideak: proiektuaren originaltasuna, erakargarritasuna; ikerketak gizartean izan dezakeen eragina eta interes soziala; proiektuaren egingarritasuna; zehaztasun eta egokitasun maila; proiektuak genero-berdintasuna sustatzea.
Lanak aurkezteko helbidea: jmtbeka@jakin.eus
Lanak aurkezteko epea: 2022ko urriaren 24a.
Ikerlana
Epea: beka deialdiko irabazleak izendapena jaso eta 18 hilabeteko epea.
Ordainsaria: 14.000 euro (erdia irabazlea izendatu bezain laster, beste erdia lana aurkeztu eta epaimahaikideen onespena jasotakoan).
Ikerlanaren emaitza: euskaraz. Liburua, ikus-entzunezkoa, webgunea, erakusketa... izan daiteke. "Dibulgazioari begirakoa izango da eta garrantzia berezia emango zaio lana gizarteratzeko egokitzeari".
Ikerlanaren jarraipena: izendapena jaso eta 9 hilabetera irabazlea, epaimahakideekin eta antolatzaileekin bilduko da. Epaimahaiak proiektua hobetzeko aholkatu ahalko dio eta irabazleak aholku horiek aintzat hartzen saiatzeko konpromisoa hartu beharko du.
Informazio gehiago: jakin.eus
Antolatzaileak: Jakin Fundazioa eta Usurbilgo Udala.