ARIES
Etxeko txiki eta gazteak oporretan daude eta zu inbidiatan... Hileko aholkua: Eskerrak laster Udajolas hasiko den!
TAURUS
Sentsibilitatea lantzea ondo etorriko zaizu; azken aldian zakar samar zabiltza eta. Hileko aholkua: Haserre edo urduri dagoenean norbait ez iezaiozu esan lasaitzeko!
GEMINIS
Santixabeletako maskota zelataria dema-plazan ikusi duzu eta festak ospatzeko irrikatan zaude dagoeneko. Hileko aholkua: Gora Santixabelak!
CANCER
Maitasun asko jasoko duzu hilabete honetan, eta horrek behar duzun laguntza emango dizu zure buruari jarri dizkiozun erronkei aurre egiteko. Hileko aholkua: Antolatu urtebetetze festa mundiala!
LEO
Hondartzak eta itsasoak bilatzen duzun lasaitasuna eta oreka emango dizute. Hileko aholkua: Baina ez sartu tripa ezagun batekin aurkitzen zaren bakoitzean, bestela akabo bakea!
VIRGO
Gogoa zaude oporrak hartzeko, baina azken ahalegin bat egin beharko duzu. Hileko aholkua: Hala ere, lanera eguzkitako krema emanda joatea gehiegitxo da...
LIBRA
Udara ere ikasteko izan daiteke, bai. Hileko aholkua: UEUk eta JAKINek San Fermin egunean jardunaldi oso interesgarria prestatu dute Artzabalen. Hileko aholkua: Eta hamaiketako ederra ere bai!
SCORPIUS
Bihotza saltoka jartzen zaizu ikusten duzun bakoitzean, baina ez zara ausartzen. Hileko aholkua: “Eperrak” kanta elkarrekin dantzatzen baduzue, zurekin maiteminduko da.
SAGITARIUS
Esaerak dio usurbildar bat San Joanetatik San Praixkuetara festarik festa ibili daitekeela. Hileko aholkua: Frogatuko duzu hori egia dela?
CAPRICORNIUS
Itsasoarekin kontuz ibili beharko duzu datozen egunetan, istripu bat izateko aukera handia duzu eta. Hileko aholkua: Kontuz bainujantzia lapurtzen dizuten olatuekin!
AQUARIUS
Kirol pixka bat egiten hastea ez zaizu gaizki etorriko, baina erakartzen dizun kirola aurkitu beharko duzu. Hileko aholkua: Pentsatu al duzu inoiz festetan buruhandi bezala ateratzea?
PISCIS
San Ferminak gain-gainean ditugu eta aurten ez duzu hutsik egin nahi. Dagoeneko jantzi txuria eta zapi gorri prest dituzu. Hileko aholkua: Kontuz ibili ez baduzu “pobre de mí” bukatu nahi.