Usurbilgo Udalak helarazitako gai-zerrendaren arabera, ohi baino astebete lehenago, ostegun honetarako, uztailaren 21erako finkatu du hilabete honi dagokion udalbatzarrerako hitzordua; arratsaldeko 18:00etan hasiko da. Melillako sarraskia, Errefuxiatuen Eguna edota Osakidetzako murrizketak hizpide dituzten adierazpen eta mozioak bozkatuko dituzte. Zinegotzi baten liberazioa ere ahotan hartuko dute. Baita diru kontuak ere; iazko Kontu Orokorraren edota kreditu aldaketa baten onarpenak. Aginagako Elutx eremuari eragiten dion hirigintza hitzarmena behin betiko onartu edo ez ere erabakiko dute datorren osoko bilkuran.
EZOHIKO UDALBATZARRA
Eguna: uztailak 21, osteguna.
Ordua: 18:00.
Tokia: Usurbilgo Udaleko udalbatza aretoa.
Deitzailea: Usurbilgo Udala.
Gai-zerrenda:
1.- Alkatetzako dekretu hauen berri ematea: 2122ko ekainaren 21etik uztailaren 15era (2022/1673- 2022/791).
2.- 2022/785 dekretuaren berri ematea: alkatearen oporraldia.
3.- 2022/776 dekretuaren berri ematea: Tokiko Gobernu Batzarraren osaketa.
4.- 2022/767 dekretuaren berri ematea: alkateordeak.
5.- 2022/772 dekretuaren berri ematea: zinegotzi delegatua.
6.- Hainbat batzorde informatzaileren osaketaren berri ematea.
7.- Udalaz gaindiko hainbat erakundetan udal ordezkaritza berria.
8.- Ainhoa Arrozpide Landa zinegotzi liberatuaren dedikazioa eta ordainsariak onartzea.
9.- 2021eko Kontu Orokorra onartzea.
10.- 2022-006 kreditu aldaketa onartzea.
11.- Zigor espedientea, Animaliak edukitzea eta babestea arautzen duen udal ordenantzaren xedapenen urraketagatik (HZ.08/2022-0041).
12.- HAASetako A-90 (Elutx) eremuko HEU 90.5 exekuzio unitatearen garapena bideratzeko Orbegozo Salsamendi anai-arreben eta Usurbilgo Udalaren artean izenpetu beharreko Hirigintza Hitzarmena behin betiko izaeraz onartzea.
13.- Melillako sarraskiaren inguruko adierazpena.
14.- Erretuxiatuen egunaren inguruko mozioa.
15.- Osakidetzako murrizketak salatzeko mozioa.
16.- Galdera eta eskaerak.
Uztaileko ohiko udalbatzarra ezohikoa izango da, urtero moduan, astebete aurreratuko baitute, ostegun honetara, hilaren 21era hain zuzen.