ARIES
Pelikuletan agertzen diren maitasun erromantikoaren zain zaude, baina oso oker zabiltza. Maitasuna gauza txikietan dago. Hileko aholkua: Adibidez, zeloaren hasiera aurkitzen dizun pertsona horretan.
TAURUS
Ikasturte berria martxan dago eta oraindik zalantza egiten duzu zein ikastarotan hasi hainbesteko aukera artean. Hileko aholkua: Denetan izena eman! Zunba, buztingintza, pilates,...
GEMINI
Uda bukatu da eta dieta egiten hasten da jende asko, baina zu ez. Zu dieta guztien gainetik zaude! Hileko gomendioa: Izan ere, sagar bat jatea oso ona da... gose izaten jarraitzeko.
CANCER
Ikasturte berrirako asmo berrien artean gehiago irakurtzea komeni zaizu. Hileko aholkua: Kamasutrarekin hasi, marrazki asko ditu eta.
LEO
Datozen astetan kontu handia izan beharko duzu diruarekin, errez ihes egingo dizu eta. Neurriak hartu behar dituzu lehenbailehen. Hileko aholkua: Txerri itxurako itsulapikoa erostea izango duzu onena.
VIRGO
Pandemiaren ondoren, urtebetetze ospakizun ederra prestatu behar duzu, bizipozaren alde. Hileko aholkua: Ospatu gaur izango zarela inoiz baino gazteagoa!
LIBRA
Marte, Artizarra eta Saturno lerrokatuta izango dituzu hilabete honetan. Hileko aholkua: Kasik hobe duzu irailean etxetik ez ateratzea.
SCORPIUS
Naturara hurbiltzeko beharra sentituko duzu datozen asteetan, eta on egingo dizu paisaje berdeak. Hileko aholkua: Artzabaleko tirolinan ibiltzeak ez du balio.
SAGITARIUS
Oso ondo dago teknologia berriak erabiltzea zure azukre koxkorra aurkitzeko, baina hilabete honetan modu analogikoan aurkituko duzu maitasuna. Hileko aholkua: Zatoz Santueneko jaietara!
CAPRICORNIUS
Emozio berriak bizi nahi dituzu? Ohiko kirolez aspertuta? Igande goizak beste era batera bete nahi dituzu? Hileko aholkua: Endika Abril errebote txapelketa jarraitu dezakezu Zubietan aste hauetan!
AQUARIUS
Bizitza baimenik gabe pasatzen da, beraz, disfrutatu eta erokeri bat egiteko garaia duzu hauxe. Hileko aholkua: Carpe diem!
PISCIS
Uda laster amaituko dela eta triste zaude. Hileko aholkua: Pikondo baten azpian etzan eta arnasa hartu: ez al da zoriontasunaren usaina?