Irailaren 24an

Euskal kantuzaleak plazara berriz

Usurbilgo Euskal Kantu Taldekoen itzulera plazara larunbat honetan, irailaren 24an.

Usurbilgo Euskal Kantu Taldea plazara itzuliko da larunbatean, irailaren 24an. Udako etenaldiaren ostean, kantu zaletuek hartuko dute herria. Kantu-jira bueltan da eta hitzordura batzeko deia egin dute aipatu herri bilgunetik. Kaxkoan barrena egingo duten ordu eta erdiko birara batu nahi duenak ez dezala ahaztu kantu-liburuxka. Larunbat honetan, hilaren 24an abiatuko dute kantu-jira Mikel Laboa plazatik.

Kantu-jiraz gain, ez ahaztu; astelehenero biltzen da Usurbilgo Euskal Kantu Taldea entsegu saioetarako, 18:00etan Agerialdeko musika gelan.