Hemen bi urteko etenaldiaren ostean, Baxurde Txiki Usurbilgo Triatloi Taldeak urriaren 23rako antolatu duen krosaren hamahirugarren ediziorako jakin beharrekoen berri.
13. BAXURDE KROSSA
Eguna: urriak 23, igandea.
Ordua: 10:30-13:30.
Tokia: Usurbilgo frontoia, irteera eta helmuga.
Zehaztasunak:
10:30 10,9 kilometroko 13. Baxurde Krossa. Usurbilgo frontoian hasi eta amaituko da. Herriko Kaxkoa eta landa eremuko bideak zeharkatuko ditu.
12:00 Umeen krosa: benjaminak (2013-14an jaiotakoak) eta alebinak (2011-12an jaiotakoak). 600 metrokoa. "Lehen erdia antolakuntzagatik bideratua eta bigarren erdia beraien erritmora joaten utziko zaie, beti antolakuntzaren begiradapean".
12:10 Umeen krosa: infantilak (2009-10an jaiotakoak) eta kadeteak (2007-08an jaiotakoak). 1.000 metrokoa. "Beraien erritmora joaten utziko zaie hasieratik, beti antolakuntzaren begiradapean".
Izen ematea: urriaren 22ko arratsaldeko 16:00ak arte kronoak.com atarian. 12 euro helduen lasterketa, doan umen krosa (2007-2014 urte artean jaiotakoentzat).
Oharrak:
-Kontsigna, frontoi ondoan.
-Dortsalen banaketa, lasterketa egunean, goizeko 9:00etan hasita.
-Izen-ematea online bideratu ahalko da soilik.
-Lasterketa amaieran, lehen hiru gizon-emakumezkoentzat saria eta partehartzaile guztientzat opari bana eta zozketak (2 lagunentzako otorduak herriko tabernetan, herriko kirolari profesionalek sinaturiko arropa edota janari lote ezberdinak).
-Umeen krosean, eskualdeko edo aldameneko eskualdeko umeek parte hartu ahalko dute. Usurbilgoez gain, Donostialdea, Tolosaldea, Azpeitialdea eta Irunaldekoek. Lasterketak ez dira lehiakorrak izango.
-Aldaketak ibilbidean: Santuenea barruan ez da itzulirik egingo eta estreinakoz Aranerreka parke berrian barneratuko dira lasterkariak.
-Herrirako sarbidea itxita egongo denez, Donostia-Zumaia norabideko autobus geltokia San Inazio biribilgunean 09:30-13:00 artean. Usurbil nahiz Zubietako bidegurutzeetan mozketa laburrak izango dira.
Informazio gehiago: kronoak.com
Antolatzailea: Baxurde Txiki Usurbilgo Triatloi Taldea.
Urriaren 23an ospatuko den Baxurde Txiki U.T.T.-k antolaturiko proban online eman ahalko da izena, bezperara arte, kronoak.com atarian. Helduen lasterketan, baita gaztetxoenean ere. 2007-14 urte artean jaiotakoentzako krosa ere egingo da baita igandean.