Borroka eta jaia uztartuko dituen Gazte Asteburuaz haratago, ekimen gehiago ere baditu eskuartean Usurbilgo gazte mugimenduak. Bi galdetegi betetzeko deialdia egin dute azken egunotan. Batetik Kafe Tertuliak. Urriaren 29an antolatu zuten Egun Morean Usurbilgo Puntu Beltzak identifikatzeko lanketari ekin zioten. Lanketa honetara batu nahi dituzte herriko emakumeak*. Horretarako, sare sozialetan eseki duten galdetegia betetzeko deia egin dute. “Guk burututako identifikazioaz gain, Usurbilgo emakume* guztien parte hartzea bultzatu nahiko genuke, ahalik eta Puntu Beltz gehien identifikatu ahal izateko”, berri eman dute Kafe Tertuliatik.
Kafe tertuliakoak herriko puntu beltzen identifikazioari ekin diogu eta horretarako zure laguntze behar dugu!https://t.co/Yus7wgeowp pic.twitter.com/RMvAhSIWj9
— Kafetertulia (@kafetertulia) November 8, 2022
Gazteen osasun psikosozialari buruzko lanketa
Usurbilgo Ernaik bestalde, “herriko gazteon osasun psikosozialaren egoera erreala zein den identifikatzeko” egitasmoa abiarazi du. "Belaunaldi krisi anizkoitzak gogor kolpatzen gaitu gazteak, gure osasun mentala kinka larrian jarriz sarritan. Baina behin eta berriz esango dugu, hau ez da kristalezkoak garelako!".
Gai honi lotuta gazteek dituzten behar eta interesei buruzko hausnarketa fasearekin ekingo diote proiektuari. "Gazteongan kezka handienak sortzen dituzten faktoreak identifikatze aldera, entzute prozesu batekin hasiko dugu dinamika, berau oinarritik ahalik eta partehartzaileena izan dadin". Sare sozialetan eseki duten galdetegia betetzeko gonbita luzatu dute. "Herriko gazteok osasun mentalarekiko daukagun hurbiltasuna neurtzeaz gain, ditugun behar eta interesak identifikatuko ditugu, gazteontzat esanguratsuenak diren gaiak biltzeko eta hauekin lanketa ezberdinak bideratzeko".
Belaunaldi krisi anizkoitzak gogor kolpatzen gaitu gazteak, gure osasun mentala kinka larrian jarriz sarritan.
— Ernai Usurbil (@ErnaiUsurbil) November 20, 2022
Baina behin eta berriz esango dugu
Hau ez da kristalezkoak garelako ! pic.twitter.com/GIyDj2dgni
Gazte Asteburuaren atarian, bi galdetegi plazaratu ditu Usurbilgo gazte mugimenduak. Batetik, Kafe Tertuliak herriko puntu beltzak identifikatzeko lanketari ekin zion urriaren 29ko Egun Morean.
Borroka Astea Buruntzaldean
Buruntzaldeako Ernaik Borroka Astea iragarri du bestalde, abenduaren 1etik 9ra. "Egitarau zabala izango dugu zeharkatzen gaituzten hamaika borroketan sakontzeko eta ekiteko, eta mobilizazio eta kontzertuekin amaituko dugu astea". Parte hartzeko gonbita luzatu dute. "Buruntzaldeako gazteok borrokara goaz! Bertan itxarongo zaituztegu, gorde datak!".
Eskualdean zehar hainbat ekimen bideratzekoak dira hilabete hasieran. Hitzorduetako bat, erraustegiaren aurkakoa Sutegin, abenduaren 9an. Plazaratu duten ondoko kartelean egitarauaren lehen xehetasunak ageri dira, baina ziklo honi buruzko datu gehiago ematen hasiak dira.
Buruntzaldeako Borroka Astea
Abenduak 1, osteguna
18:30 "Gazteok eta euskara: benetan euskaraz bizi gaitezke?" hitzaldia Lasarte-Oriako Xirimiri elkartean.
Hizlariak: Adur Berasategi (Ernai), Oier Errementeria (Gazte Euskaltzale Sarea) eta Maialen Iñarra (Zubietako soziologoa).
Abenduak 2, ostirala
18:30 "Gazteon lan eskubideak: eta zuk, ba al dakizu zein diren zureak?" hitzaldia Andoaingo Gaztetxean, LAB sindikatua eta Ernairen eskutik.