Biltzen, Eusko Jaurlaritzaren Gizarteratzea eta Kulturarteko Bizikidetzaren Euskal Zerbitzuak atzerritartasunari buruzko saio informatiboa iragarria azaroaren 3rako. Baina atzeratu egingo zutela iragarri zuten. Data berria zehaztu dute; azaroaren 29an izango da, 17:30-19:30 artean Potxoenean, atzerrian jaiotako herrikideentzat. "Saioaren helburua tratu berdintasunaren eta diskriminazio ezaren kontzeptuari buruzko ikuspegi orokorra ematea da, baita estatu espainiarreko atzerritarrentzako arau-esparrura eta nazionalitate-prozedurara hurbiltzea ere".
Gaiok jorratuko dituzte. Batetik, "atzerritartasunari eta nazionalitateari dagokionez, honako edukien ingurukoak azalduko dituzte, besteak beste: atzerritarren eskubideak, baimenak, berrizteak, familia berrelkartzea, erregimen komunitarioa eta nazionalitatea. Diskriminaziorik ezaren ingurukoak, berriz, oinarrizko kontzeptuen lanketa, diskriminazio esparruak eta diskriminazioaren aurkako borrokaren aldeko baliabideak izango dira".
Azaroaren 3rako iragarria zegoen Biltzen-en informazio saioa, hilaren 29an izango dela iragarri du Usurbilgo Udalak.