Manu Aranburu Agirre zendu da

Noaua Aldizkaria 2022ko aza. 25a, 13:27
Deskargatu Info Ahotsak :
Español English Français Català Galego

Herrigintzari oso lotua, zinegotzi izandakoa, mugimendu komunistan eta ekologistan buru-belarri eragiten aritutakoa zendu da 69 urterekin.

1936ko gerran errepublikaren alde borrokan aritutako gudari Antonio Aranbururen semea. Herri Batasunako zinegotzi izandakoa 1983-87 legealdian. Herrigintzan ibilbide luze eta oparoa izandakoa, bereziki mugimendu ekologistari lotua.

Manu Aranburu Agirre herrikidea hil da ostegun honetan 69 urte zituela. Beilatokian izango da gaur, azaroak 25, ordutegi honetan: goizez, 10:00-13:00 artean eta arratsaldez, 16:00-20:00 artean. Agur ekitaldia larunbat eguerdiko 12:00etan egingo zaio gune berean.

Usurbilgo alkate Agurtzane Solaberrietak oroitu berri du Aranburu sare sozialen bidez. "Atzo gauean jakin nuen Manu Aranburu hil zela. Herrikide konprometitua, militante ekologista nekaezina, internazionalista eta azken urteotan pentsionisten mugimenduan eta jubilatu elkartean buru-belarri. Adiorik ez, kamarada!".

Mezuan bertan Solaberrietak aipatu moduan, mugimendu ekologistan, pentsiodunenean, eta oroimena berreskuratzeko lanketan buru-belarri jardun zuen. "Mila esker, #ManuAranburu, Usurbilgo memoriaren alde egindako guztiagatik", eskertu nahi izan dio Aranbururi Usurbil 1936 elkarteak.





Gizartea