Zubietako erraustegia

Erraustegiaren kutsaduraz azken berriak eskaini behar zituen ekitaldia, urtarrilaren 13ra atzeratua

Erraustegiaren Aurkako Mugimenduak gaurko antolatua zuen hitzordua, hiru astez atzeratzea erabaki du.

Ostiral honetarako, abenduaren 23rako, Potxoenean deitua zuen ekitaldia hiru astez atzeratzea erabaki du Erraustegiaren Aurkako Mugimenduak . Urtarrilaren 13an izango da.

Ekitaldi honetan, Zubietako erraustegiaren kutsadurari buruzko azken berriak hartuko dituzte ahotan. Batetik, Holandako ToxicoWatch Fundazioak iaz egindako biomonitorizazioaren emaitzak aurkeztuko dituzte. Bestetik, Malen Azpiazu Zubeldia EHU-ko kimika fakultateko ikasle eta herrikideak gai honi buruz egindako Gradu Amaierako Lana aurkeztuko du: “Metal astunen determinazioa erraustegiaren inguruko goroldio laginetan”.

"Erraustegiaren kutsaduraz azken berriak"
Eguna:
urtarrilak 13, ostirala.
Ordua:
18:00.
Tokia: Potxoenea.
Zehaztasunak: "Erraustegiaren kutsaduraz azken berriak" ekitaldiaren baitan, ToxicoWatch fundazioaren biomonitorizazioaren 2021eko emaitzak aurkeztuko dituzte, eta baita Malen Azpiazu herrikidearen Gradu Amaierako Lana: "Metal astunen determinazioa erraustegiaren inguruko goroldio laginetan".
Deitzailea: Erraustegiaren Aurkako Mugimendua.