Pozarren jaso dituzte 90 otarrak

Pozarren joan dira frontoira, atzo eginiko zozketan "650 Usurbil Bizi" otarra egokitu zaien herrikideak. Hurbilago San Silbestre herri lasterketa amaieran, Usurbilgo 34 ekoizle eta sortzaileren produktuez hornituriko 90 otar eskuratu dituzte beste hainbeste herritarrek frontoian egin duten ekitaldian.

Asteotan aipatu Hurbilagoren elkarteko kide diren ostalaritza eta merkataritza saltokietan 10 eurotik gorako erosketak egin dituztenek irabazi dituzte otarrok. Herrian bizi eta erosteagatik.

Hurbilago Elkarteak, Usurbilgo Kulturguneak eta Usurbilgo Udalak sustaturiko ekimenean herriko 34 ekoizle eta sortzaileek parte hartu dute. Haien produktuez osatu dituzte otarrak. Otarrak Udarregi Ikastolako DBH 4ko ikasleek prestatu dituzte, ikasturte amaierako bidaiarako laguntzatxoaren truke. Zozketan parte hartzeko Hurbilago elkarteko 18 saltoki inplikatu dira. Ekimen honetan parte hartu duten herritarrek osatu dute auzolanean bideratu den egitasmoa.

Hemen sarituen zerrenda:

"650 Usurbil Bizi" otarren zozketan sarituak
Aizpurua Okindegia
Manolo Goenaga
Pepi
Mila Manterola
Alaitz Kamino
Idoia Ortubia

Alkartasuna Usurbilgo Baserritarren Kooperatiba
Joakin Otxotorena
Iñaki Labayen
J.A. Segurola Arregi
Amets Bereziartua
Miguel Azurmendi