Inauterien asteburuan jai izango du kirol talde batek baino gehiagok eta nabariko da hitzorduon agendan ere. Futbol eta pilota neurketarik ez da iragarri herrian. Eskubaloi partida bat bai; senior mutilena, larunbat eguerdian Oiardo Kiroldegian. Senior mutilena hain zuen; usurbildarrek Basauriko taldea izango dute aurrez aurre. Mozorrotuta joateko deia egin du eskubaloi taldeen bilgunetik. "Etorri mozorrotuta, zuen babesa behar dugu!".
Eskubaloi partidak
Otsailak 18, larunbata
Oiardo kiroldegian:
12:15 Senior mutilak: Usurbil KE-Indupime Basauri
*Eguna eta ordua zehazteke.
Irungo Artaleku kiroldegian:
Jubenil mutilak: CD Bidasoa Irun- Usurbil KE
Aginaga Winter Series pala txapelketan izen-emateko azken egunak
Martxoan hasiko dira partidak baina aldez aurretik eman behar da izena. Otsailaren 17a baino lehen eman beharko da izena Arrate tabernan.
- Pala txapelketa hau mistoa izango da. Antolatzaileen esanetan, “edozein modutara izan daiteke bikote: bi gizonezko, bi emakumezko, gizon-emakume,...”.
- Jatorriari dagokionez, aginagarra edo usurbildarra izan behar da eta bikote bakoitzeko federatu bakarra onartuko da.
- Adina, gutxienez 16 urte beharko dira parte hartu ahal izateko.
- Teniseko pilotarekin jokatuko da txapelketa.
- Bikote bakoitzak 10 euro ordaindu beharko du.
- Finala: martxoaren 25ean Aginagako Hariztitxo frontoian. Ordua: 18:00etan. Ondoren, Eliza Zaharrean sari banaketa eta parte hartzaileen artean zozketak.