Osakidetza defendatu eta osasun zerbitzu publikoa deuseztearen aurkako salaketa plazaratzeko, manifestazioak antolatu dituzte SATSE, ELA, LAB, SME, CCOO eta UGT sindikatuek larunbat honetarako, otsailaren 25erako, Gasteizen, Bilbon, eta Usurbildik gertuen, Donostian. Gipuzkoako hiriburukoa 12:00etan abiatuko da Bulebarretik. "Langileei, herritarrei eta gizarte mugimenduei guztion osasuna defendatzeko mobilizatzera dei egiten diegu".
Hamaika arrazoi daude eta. "Murrizketak eta itxierak bezalako egiturazko araoez gain, sindikatuen iritziz, prekarietateak jarraitzen du izaten osasun publikoaren arazo handienetakoa: %50etik gorako behin-behinekotasuna; hamarkada batean, %20tik gorako erosahalmenaren galera; lan gainkarga sistematikoa; plantilla urria; ordezkapen eza eta lanpostu hutsak ez betetzea; lan baldintzetan murrizketak, hala nola Garapen Profesionalean aplikatu nahi den murrizketa erradikal eta justifikaziorik gabea...".
Besteak beste, Lehen Mailako Arretak bizi duen egoera prekarioa salatu dute sindikatuok. "Gogoan izan behar dugu kolektibo horrek 2019an ere egin zuela greba, garai hartan pairatzen zuten muturreko egoera salatzeko. Egoerak okerrera baino ez du egin hiru urte hauetan. Argi dago, gainera, Osakidetza sare bat den heinean, sailburuak behin eta berriro errepikatzen duen bezala, Lehen Mailako Arretaren egoera horrek eragin zuzena duela beste asistentzia-maila batzuetan, Ospitaleko Larrialdietan, besteak beste. Horrela, larrialdietan gero eta gainkarga handiagoa dago".
Lehen Mailako Arretako hitzorduetan izaten ari diren atzerapen handiak salatu dituzte, "batzuetan ez dago bermatuta aurrez aurreko arreta".
"Egoerak okerrera baino ez du egin"
Sindikatuok ohartarazi dutenez, Osakidetzak egun bizi duen egoeragatik, gorantz egin du nabarmen aseguru pribatuen kontratazioak. "Bizkaian, esaterako, 3 herritarretik 1ek kontratatu du aseguru pribaturen bat".
Testuinguru honetan, Eusko Jaurlaritzak agerturiko jarrera salatu dute. "Gogoan izan behar dugu kolektibo horrek 2019an ere egin zuela greba, garai hartan pairatzen zuten muturreko egoera salatzeko. Egoerak okerrera baino ez du egin hiru urte hauetan. Argi dago, gainera, Osakidetza sare bat den heinean, sailburuak behin eta berriro errepikatzen duen bezala, Lehen Mailako Arretaren egoera horrek eragin zuzena duela beste asistentzia-maila batzuetan, Ospitaleko Larrialdietan, besteak beste. Horrela, larrialdietan gero eta gainkarga handiagoa dago".
2023ra begira, osasun zerbitzuetara bideraturiko aurrekontua iaz xahututakoarekin alderatuta 20 milioi eurotan murriztu dutela salatu dute. "Badirudi, Eusko Jaurlaritzaren iritziz, 2023an iaz baino premia gutxiago dagoela. Gainera, ezabatu egin du COVIDetik eratorritako beharretara bideratutako partida. Baina, errefortzu ekonomiko hori ezabatzearekin batera, herritarrei eskaintzen zaien zerbitzuaren prekarizazioa pandemiaren ondorio zuzena dela argudiatu du".
Osakidetza defendatu eta osasun zerbitzu publikoen deuseztearen aurka manifestazioak iragarri dituzte sindikatuek larunbat honetan, otsailaren 25ean hiriburuetan. Usurbildik gertuen, Donostian.