Euskal kantutegiari errepaso ederra ematen aritu dira larunbat eguerdi honetan Usurbilgo Euskal Kantu Taldeko kideak. Hilero azken larunbatetan egin ohi duten moduan plazaratu dira, herria girotzeko gogo biziz; kantuan, lagunarte giroaz gozatzera.
Adi, Kantu Taldearen datozen deialdiei, martxoan hitzordu bikoitza iragarri baitute, lehenengoa Martxoaren 8aren testuinguruan:
Martxoak 11, larunbata
19:00 Hirusta Trio taldearen "Matrioshka baten soinu geografia" emanaldia Sutegin.
Sarrerak: 5 eurotan eskuragarri aurrez, usurbilkultura.eus plataforma bidez.
Zehaztasunak: "Ahotsak, pianoak, poesiak eta ikus-entzunezko edukiek osatzen dute Hirusta Triok sortu duen "Matrioshka baten soinu geografia" emanaldia. Musikaren eta lirikaren bitartez kontatzeko asko duten hiru emakumek osatzen dute taldea; beraien ikuskizunak publikoaren eta antzezlekuaren arabera moldatzen badituzte ere, beti dute ardatz berdina: emakumea. Garbiñe Abendaño abeslari sopranoak, Margarita Lorenzo de Reizabal piano-jole eta ikus-entzunezkoen arduradunak eta Julene Zenikazelaia errezitatzaile eta gidoilariak osatzen dute Hirusta Trio".
Martxoak 25, larunbata
12:00 Kantu-jira Mikel Laboa plazatik.
Antolatzailea: Usurbilgo Euskal Kantu Taldea.
