Badator Martxoaren 8a eta Usurbilgo mugimendu feminista datorren asteazkenerako herria girotzen hasia da. Lehenik eta behin, memoria freskatzen laguntzeko ekimena abiarazi du aipatu bilguneko kideek. Sutegiko erakusleihoan aurreko Martxoaren 8 edizioetako irudiak ikusgai izango dituzue egunotan. Ez soilik kultur-etxean, baita herriko dendetan ere. Saltokiren batera sartzen bazarete, adi; irudi gogoangarriren batekin topo egingo duzue.
Datorrenari begira girotzen hasteko ekimena da honako hau. Hemen Martxoaren 8ari lotuta Usurbilen iragarri dituzten ekimenen zikloa:
#M8
Martxoak 4, larunbata
12:00 Emakumeen Etxeari lotutako asanblada irekia Potxoenean.
Izen-ematea aurrez, bideotatik:
943 377 110
parekidetasuna1@usurbil.eus
Segidan, bertso-bazkaria Artzabalen. Parte hartzaileak: Maialen Lujanbio, Jone Uria eta Saioa Alkaiza. Gai-jartzailea: Amaia Agirre.
Sarrerak: agortuak.
Antolatzailea: Usurbilgo Udala.
Martxoak 8, asteazkena
Pandemia eta desaktibazio sozialaren inguruko mahaingurua eta performance-a.
18:00 Mahai-ingurua Sutegin.
20:00 Elkarretaratzea eta performance-a Mikel Laboa plazan.
Antolatzaileak: M8 Emakumeen taldea.
Martxoak 11, larunbata
19:00 Hirusta Trio taldearen "Matrioshka baten soinu geografia" emanaldia Sutegin.
Sarrerak: 5 eurotan eskuragarri aurrez, usurbilkultura.eus plataforma bidez.
Zehaztasunak: "Ahotsak, pianoak, poesiak eta ikus-entzunezko edukiek osatzen dute Hirusta Triok sortu duen "Matrioshka baten soinu geografia" emanaldia. Musikaren eta lirikaren bitartez kontatzeko asko duten hiru emakumek osatzen dute taldea; beraien ikuskizunak publikoaren eta antzezlekuaren arabera moldatzen badituzte ere, beti dute ardatz berdina: emakumea. Garbiñe Abendaño abeslari sopranoak, Margarita Lorenzo de Reizabal piano-jole eta ikus-entzunezkoen arduradunak eta Julene Zenikazelaia errezitatzaile eta gidoilariak osatzen dute Hirusta Trio".
Antolatzailea: Usurbilgo Euskal Kantu Taldea.