"Munduko mendi garaienen tontorretan bizi da eguzki-argi garbienaz elikatzen den landarea… Himalaiako lorea. Yuku sagutxoak familia atzean utzi eta betiereko argia duen lore horren bila abiatuko da bere amamari eskaintzeko, hura laster eramango du-eta sator itsuak Lurraren sakonera. Baina lorea aurkitzeko, Yukuk oztopoz betetako bidea gainditu beharko du: gaztelu azpiko estolda-arratoien eremu beldurgarria zeharkatu beharko du, bele anker eta gosetien belardia, denak galtzen diren baso sorgindua, eta batez ere… otsoak zaintzen duen Ikararen Zubia! Bidaian zehar, ordea, bere musika eta kantuei esker, Yukuk lagun asko egingo ditu. Eurak dira bizitzaren abenturan arrakasta izateko euskarririk onena".
Hortxe 'Yuku eta Himalaiako lorea' sinopsia. Igandean, martxoaren 5ean ikusi ahalko duzue, arratsaldeko 17:00etan hasita Sutegin. 65 minutuko iraupena izango duen Usurbilgo Udalak eta Ziortza Gazte Elkarteak antolaturiko ikus-entzunezkoaren proiekziorako sarrerak aurrez eskuratu ahalko dira 3 eurotan, usurbilkultura.eus plataforman.
Arratsaldeko 17:00etan hasiko da 'Yuku eta Himalaiako lorea' filmaren proiekzioa. Negu honetako zine zikloko azkena izango da hauxe. Sarrerak aurrez eskura daitezke 3 eurotan, usurbilkultura.eus plataforman.