Bizilagunentzat bakarrik zabalik

Datozen bost gauetan, N-634 errepidea itxita Atxegaldetik Orioko Txanka pareraino

Noaua Aldizkaria 2023ko mar. 6a, 09:52

Errepidea itxita egongo den eremuko bizilagunei soilik baimenduko zaie errepide zati honetan ibiltzea.

Gogoan izan, iragan astean Gipuzkoako Foru Aldundiak zabaldutako oharrari. Datozen bost gauetan, gaur bertan hasita, itxita egongo da N-634 ere-idea Atxegaldetik hasi eta Orioko Txankako biribilgunera arte. Tarte horretan zehar "bide ertzeko zuhaitzak inausi eta moztu behar ditu hainbat puntutan".

Horregatik, itxi egingo dute N-634 errepidea "Atxegaldetik hasi eta Orioko Txankako biribilgunera bitartean". Lanak martxoaren 6tik 7rako gauean hasiko dira, 4 laneguneko iraupenarekin. Martxoaren 9tik 10rako gauean amaituko dira eta errepidea garbi geratuko da asteburuan zehar.

Bertan bizi direnentzako oharra
"N-634 errepideko galtzada erabat moztuko da lan horiek egiteko, Usurbilgo N-634-4 lotunetik Txankako N-634-O lotuneara, gauez (22:00etatik 6:00etara), eta ordezko bidea AP-8 (Orio–Donostia) errepidea izango da. Eremu horretan bizi diren partikularrei gauero lan egiten den lan-punturaino joateko baimena emango zaie, baina adierazi behar da AP-8 errepidetik desbideratu behar dutela, baldin eta beren bizilekua hortik harago badago".

Txikierdi eta Troiako lanen berririk ez
Otsailaren 28an amaitzekoa zen Txikierdi eta Troia arteko obra. Baina semaforo-sistemak bere horretan dirau oraindik. Diputazioarekin harremanetan jarri ginen aste hasieran baina ez dugu erantzunik jaso oraindik.