Musikaren eta lirikaren bitartez kontatzeko asko duten hiru emakumek osatzen dute taldea eta gai edo ardatz bera lantzen dute euren ikuskizunetan: emakumea. Garbiñe Abendaño abeslari sopranoak, Margarita Lorenzo de Reizabal piano-jole eta ikus-entzunezkoen arduradunak eta Julene Zenikazelaia errezitatzaile eta gidoilariak osatutako taldeak txundituta utzi ditu Sutegira bertaratutakoak.