Udaberrian sartuko garen astelehen honetan bertan jakinarazi du Ziortza gazte elkarteak uztailerako prestatua duen plangintza. Errioxako Peñaloscintosen kokatu ohi duen udako kanpaldiaz ari gara noski. DBH-ko gazteei zuzendutako aisialdiko ekimen honetan aurrematrikulatzeko epea zabaldu dute gaur. Antolatzaileek argitu dutenez, "aurre izen-emateak kalkulu bat egiteko soilik balio du, ez da izen-emate ofiziala".
Astelehen honetan, martxoaren 20an hasi eta apirilaren 2ra arteko tartea izango dute interesdunek urrats hau egoki emateko. Ezinbestekoa izango da, gero izen-emateko. "Izen-emate ofiziala, soilik, aurre izen-emateko galdetegia bete dutenek egin ahal izango dute", ohartarazi dute Ziortzatik.
Plaza kopuru mugatua izango du Ziortzaren udako kanpaldiak. Hiru txanda izango direla iragarri dute.
Ziortzaren udako kanpaldia
Noiz:
-Uztailak 5-14: DBH 3-4.
-Uztailak 14-21: DBH 2.
-Uztailak 21-28: DBH 1.
Aurre izen-emateko epea: martxoak 20-apirilak 2.
Aurre izen-emateko esteka: Ziortzaren udako kanpaldia
Oharra: plaza kopuru mugatua.
Antolatzailea: Ziortza Gazte Elkartea.
Laguntzaileak: Usurbilgo Udala, Gipuzkoako Foru Aldundia.
