Martxoko azken ostegunarekin batera, osoko ohiko bilkura deitu dute hilaren 30ean. Udalak helarazi berri duen azken aldiko gai-zerrenda luzeenean, udal ordezkariek hirigintza gaiak eta diru kontuak ahotan hartuko dituztela irakur daiteke.
Osoko bilkura
Eguna: martxoak 30, osteguna.
Ordua: 18:00.
Tokia: Usurbilgo Udaleko udalbatza aretoa.
Gai-zerrenda:
1.- Aurreko bilkuretako akten onespena:
1.1.- 2023ko urtarrilaren 26ko ohiko bilkurako akta.
1.2.- 2023ko otsailaren 23ko ohiko bilkurako akta.
2.- Alkatetzako dekretu hauen berri ematea: 2023ko otsailaren 21etik martxoaren 23ra (2023/178-2023/309).
3.- 2022ko Aurrekontuaren likidazioaren berri ematea (2023EKLI0001).
4.- 2023/249, 2023/263 eta 2023/291 dekretuen berri ematea (kreditu aldaketak).
5.- 2023/213 dekretua berrestea (2023/79 auzia) (2023IAEA0002).
6.- Igogailua eta autobus geltoki berria egiteko Matia Servicios Sociales, S.L.U. enpresaren eta Usurbilgo Udalaren arteko lankidetza hitzarmena onartzea (2023HITZ0002).
7.- HAASetako A-107 (Iartza) eremuko HEU 107.3, HEU 107.2 eta HEU 107.5 exekuzio unitateen mugaketa aldaketa behin betikoz onartzea.
8.- Hiri Antolamenduko Arau Subsidiarioetako A-59 (Ugartondo) eremuko Barne-Erreformarako Plan Bereziaren Testu bategineko EQ.1 partzelan zuzkidura-alojamenduak egiteko exekuzio obra: prezioen ezohiko berrikuspena.
9.- 2023ko Lanpostuen Zerrendaren aldaketa (Administrazio elektroniko eta informatika sistemen teknikari postua sortzea).
10.- 2023ko Plantila Organikoaren aldaketa.
11.- 2023ko soldata igoera onartzea.
12.- Noaua! eta Usurbilgo Udalaren arteko 2020ko hitzarmena bertan behera uztea eta hitzarmen berria onartzea.
13.- Oinherri Herri Hezitzaileak sustatzeko elkartearekin bazkide laguntzaile gisa bat egitea.
14.- Galdera eta eskaerak.
Diru kontuak edota hirigintza gaiak nagusituko dira ostegunerako deitua duten osoko bilkuran.