Calellara Ostegun Santuan iritsi ziren, “eta ostiral goizean hasi ginen partidak jokatzen”, Usurbil KE taldekoek aditzera eman dutenez. “Larunbatean ere multzoko partidak jokatu ziren, eta igandean, berriz finalak. Aipatu beharra dago Usurbil Kirol Elkarteak maila guztietan finalera sartu zituela taldeak”. Biharamunean, iluntzean abiatu ziren Calellatik Usurbil aldera eta “goizeko 3:30 aldera iritsi ginen”. Nekatuta, baina pozik esperientziarekin eta bertan erdietsitako kirol emaitzekin.
Calellara joandako gurasoak: “Eskerrik asko, Usurbil KE”
Usurbil KE taldeko jokalari eta entrenatzaileekin batera, guraso kuadrilla bat ere bertaratu zen Kataluniako Calella herrian jokatu zen txapelketara. Handik bueltan, esker oneko idatzi bat igorri dute NOAUA!ko erredakziora. Gurasoen gutunak honela dio: “Aurten, lehenengo aldiz, Usurbil Kirol Elkarteak eskubaloi torneoa antolatu du Calellan (Bartzelonan). Herriko 80 neska-mutil inguru izan dira bertan lau egunez eskubaloian jolasten. Sariak ere ekarri dituzte! Giro ederrean kirola egiteaz gain, lagunarteaz gozatu, jende berria ezagutu, eta esperientzia ederra bizitzeko aukera paregabea eman diozue herriko gazteei. Horregatik, zorionak eta eskerrak eman nahi dizkizuegu hori posible egin duzuen Usurbil Kirol Elkarteko kideei eta entrenatzaileei. Lan bikaina egin duzue. Zorionak!”.
Zozketako zenbaki saritua
Usurbil KE-ren azken zozketan hau izan zen zenbaki saritua: 4185. Saria, Urdaira sagardotegian bi pertsonentzako bazkaria edo afaria. Sarituak hona deitu behar du: 678 068 508.
Calellako Eskubaloi Txapelketako finalak
Infantil mutilak
Usurbil Kirol Elkartea 13
Unió Esportiva Calella 12
Infantil neskak
Usurbil Kirol Elkartea 5
BM Cardedeu 15
Kadete neskak
Usurbil Kirol Elkartea 10
Zarautz ZKE 12
Kadete mutilak
Usurbil Kirol Elkartea 8
Zarautz ZKE 10
Jubenil neskak
Usurbil Kirol Elkartea 11
CH Terrasa 19
Jubenil mutilak
Usurbil Kirol Elkartea 17
Unió Esportiva Calella 14
Asteburu honetako partidak
- Usurbil KE kadete mutilak-Urangadeko Pulpo E.K.
- Usurbil B infantil mutilak - Leizaran eskubaloia (Oiardo, 11:00)
- Urbil-Usurbil KE jubenil neskak - Ereintza Aguaplast (Oiardo, 13:00)
- Pizzeria Salento Elgoibar - Usurbil KE senior mutilak (Olaizaga kiroldegia, 18:30)