Hiru aste iraungo du ikastaroak eta astelehenetik ostiralera izango da 19:00-21:00 bitarte Muna-Lurra kalean Usurbilgo DYAren Ordezkaritzan. Izena-emateko ez da beharrezkoa aurrez ezagutzarik izatea. Egunerokoan izan daitezkeen arrisku egoerei nola erantzun irakatsiko dute DYAko kideek: bihotz eta birika susperketa, zauriak, hausturak, erredurak… Ezagutza arrunt, baina erabilgarriak izango dira. Modu eroso eta atseginean erakusten dituzte ezagutza hauek teoria eta praktika uztartuta.
Ikastaro amaieran frogak egingo dituzte, eta gainditzen dituztenek DYA Gipuzkoak eskaintzen duen Sorosle Titulua eskuratzeko aukera izango dute.