Miriam Arrillagak eta Uxue Murillok V. Bizkaia paleta txapelketa irabazi dute

Erredakzioa 2023ko mai. 9a, 12:26

Emakumezkoen V. Bizkaia paleta txapelketa apirilaren 14an hasi zen eta beste bi jardunaldi jokatu ziren  apirilaren 21ean eta 28an. Guztiak Bizkaia frontoian. Finalean, Murillo-Arrillaga bikotearen aurkaria Irazustabarrena-Gorostiaga izan zen.

Hiru partida jokatu ziren finalean. Lehena aise irabazi zuten, 6-12 emaitzarekin. Bigarren partida Irazustabarrena-Gorostiaga bikotearentzat izan zen, 12-11 emaitzarekin. Partida erabakigarrian, 9-12 nagusitu ziren Uxue Murillo eta Miriam Arrillaga. Azken garaipen honi esker, txapel bana eskuratu zuten.