Murrizketa txiki bat baino ez. Horixe irudikatu du ezagutzera eman berri dituzten gaurko udal hauteskundeotako lehen parte hartze datuek. 14:00ak arte bildutako datuen arabera, Usurbilen bozkatzera deituak zeuden herritarren %35,28ak jada hitza hartu du. Ordu berean, duela lau urteko, 2019ko udal hautekundeetan baino 0.82 puntuan gutxitu da parte hartzea. Orduko hartan, %36,1ekoa izan zen parte hartzea udalerri honetan. Zortzi urte atzera egingo bagenu, 2015eko deialdian %36,67koa izan zen parte hartzea.
Bistan denez, gutxinaka bada ere, murrizten joan da zortzi urteotan parte hartzea, ordu honen bueltan. Halere, tarte txikiz. %35-36an eutsi dio parte hartzeak udalerri honetan eguerdi partean, 2015az geroztik.
Murrizketa handiagoa Gipuzkoan
Ikuspegia zertxobait zabaltze aldera, Gipuzkoan nabarmenago murriztu da parte hartzea, 2.78 puntu. %35,67koa zenbatu dute gaur 14:00ak arte, %38,45ekoa, aldiz, duela lau urte. EAE-n %35,34ko parte hartzea erregistratu dute, duela lau urte %37,15ekoa izan zen, 1,81 puntu egin du beherantz. Nafarroan, aldiz 3,33 puntu gehitu da parte hartzea; %40,69koa erregistratu dute gaur 14:00etan, %37,36koa izan zen duela lau urte.
Gogoan izan, 20:00ak arte zabalik segiko dute udal eta foru hauteskundeotako nahiz Zubietako Herri Batzarra berritzeko hauteslekuek.
USURBIL, PARTE HARTZEA
2023 | 2019 | 2015 | |
14:00 | %35,28, 1.724 boto | %36,1, 1.717 boto | %36,67 |
18:00 | %51,22, 2.410 boto | ||
Parte hartzea guztira |