Gaurko eguneko galdera ikur nagusietako bat zen parte hartzea zenbatekoa izango ote zen amaitu berri diren udal eta foru hauteskundeotan. Usurbilen %60,52ko parte hartzea sustatu dute udal hauteskundeek. Duela lau urteko datuekin alderatuta, %5,50 murriztu da parte hartzea. Goizetik arratsaldera, hazten joan da gaurko eta duela lau urteko hauteskundeetako parte hartzean izandako aldea. Halere, 2019an baino botu gehiago bildu dira hautetsontzietan; 2019an 2.937 boto jaso ziren, gaurkoan 2.957 boto.
UDAL HAUTESKUNDEETAKO PARTE HARTZEA
| 2023 | 2019 | |
| 14:00 | %35,28, 1.724 boto | %36,1, 1.717 boto |
| 18:00 | %49,81, 2.434 boto | %51,22, 2.410 boto |
| Parte hartzea guztira | %60,52, 2.957 boto | %66,02, 2.937 boto |