"Stem Competent zigilua eskuratu berri dugu!", hala eman dute aditzera Udarregi ikastolatik azken orduotan sare sozialen bidez. "STEM School Labela errekonozimendu zigilu bat da, European Schoolnet sareak bultzatutako Scientix plataformaren baitan garatzen dena. Ikastetxeen zientzia-teknologia ikas arloetako gaitasun-zigilu honek, STEM gaietan (zientzia, teknologia, ingeniaritza eta matematikak) Europako ikastetxeen lan pedagogikoa diagnostikatzen laguntzeaz gain, aitortza eta bikaintasuna bultzatzen ditu". Zigilu hau eskuratuta, "gure proiektuekin aurrera jarraitzeko indarra emango digu honek!".
Ikastola egunaren atarian
Ikasturte amaierara begira den Udarregi ikastolak datorren asteburuan ospatuko da bertako hezkuntza komunitatea bilduko duen bere egun handia.
Ekainak 9, ostirala
17:00 Txokolate jana.
18:00 Dj Mendi Askatasuna plazan.
Ekainak 10, larunbata
Goizean zehar, LH eta DBHkoen jolasak.
14:00 Ikastolako bazkaria frontoian. Txartelak ekainaren 5era arte ikastolako idazkaritzan salgai.
17:00 Ikasleen musika emanaldia eta Ostolaza eta Narbaiza trikitilariak.
Ekainak 14, asteazkena
09:30 "Agenda 30" ikasleen aurkezpena Usurbilgo Udaleko udalbatza aretoan.
Antolatzaileak: Udarregi ikastola eta Hitz Aho guraso elkartea.
