Maiatza hasieran izen-ematea itxi eta beharrezko hainbat prestaketa lan bideratu ostean, argibideak emateko unea heldu da. NOAUA! Kultur Elkarteak Usurbilgo Udalarekin antolaturiko Udajolas ekimenaz beharrezko argibideak jasotzeko guraso bilera deitu dute astearte honetan, ekainaren 20an, arratsaldeko 17:00etan Sutegin.
Hitzordura, apuntatuak dauden gaztetxoen senideak daude gonbidatuak. Gogoan izan, HH3-LH6 mailetako, hau da, 4-12 urte arteko haur eta gazteei zuzenduriko aisialdiko ekimena duzue. Udajolasen helburua Usurbilgo haurrei zein gazteei euskarazko aisialdi eskaintza egokia (hezitzailea eta baloreetan oinarritua) bermatzea da, gure hizkuntza den euskararen normalizazioa bultzatzeko.
Uztailaren 4an hasi eta hilaren 28ra arte luzatuko da Udajolas; astelehenetik ostiralera, goiz partean lau orduz eskainiko da ekimen hau, 9:30-13:30 artean. Ostegunetan, zerbitzua arratsaldeko 16:30ak arte luzatuko da, egun osoko txangoak egingo baitituzte.
Ziortzakoak, kanpaldira begira
Gazte elkartekoek urtero moduan, Errioxako Peñaloscintosen kanpaldia antolatu dute. Prestaketa lanak ekainaren 24an bideratuko dituzte. Uztailaren 5ean joango dira, aldiz, ekimenerako izena eman duten hiru txanda hauetan lehenengo taldekoak:
-Uztailak 5-14: DBH 3-4.
-Uztailak 14-21: DBH 2.
-Uztailak 21-28: DBH 1.
Udajolaseko guraso bilera astearte honetan
NOAUA! K.E.-k eta Usurbilgo Udalak antolaturiko aisialdiko ekimenari buruzko argibideak jasotzeko guraso bilera astearte honetan, ekainaren 20an.