Udal korporazioko kideek eskaintzen dute soka-dantza. Ia korporazio osoak hartu du parte gaurko ekitaldian. Batzuk oso fin aritu dira eta beste batzuk lanak izan dituzte. Hala ere, frontoiaren onespena eta babesa jaso dute den-denek.
Soka-dantzaren amaieran, ikusmiran dauden herritarrak plazara ateratzeko ohitura dago. Alkatea alaba batekin aritu da eta Patri Romero zinegotzi sozialista berriz, semearekin. Gorka Otxoa zinegotzi jeltzaleak aldiz, Estitxu Alkorta gonbidatu du plazara. Alkorta Lasarte-Oriako EAJko kidea da eta Eusko Jaurlaritzako Euskara Sustatzeko zuzendaria.
Orbeldik hartu du soka-dantza erakustearen lekukoa
Iñaki Urkiak eta Aitor Egiletak urteak eta urteak egin dituzte jaietako soka-dantza irakasten. Aurrerantzean Orbeldi Dantza Taldea arduratuko da zeregin honetaz. Gaurko ekitaldian, Iñaki eta Aitor omendu dituzte. Erantsi dugun bideoaren pasarteetako batean duzue omenaldia.